намар болчижээ, өглөө оройд сэрүүсээд. нар буцчижээ, өдөр улам богиносоод. нас яваад бие илчгүй болсын байлгүй, хөл гар дандаа хүйтэн.
угаасаа би аймаааааарр өндрийг ч хэлэх үү, урт хөл гартайг ч хэлэх үү, бэлхүүсээрээ лагс бүдүүнийг ч хэлэх үү, бүх цус маань голдоо цугларчина. тэгээл тэр хавьдаа л эргэлддэг бололтойн, хэдэн ядарсан дотор эрхтнээ тэжээгээл, богино зайнд. хөл ба түүний хуруунууд, гар ба түүний хуруунууд гэх мэт өнөөх урт чацтай захын эрхтнүүдийн цусан хангамж байнга хямралтай. байнга хомсдолтой.
хөхөөний ам холддог хүйтэн зэврүүн улиралд эзэн би байнга зутруу. үүнээсээ болоод сэтгэл санаа байнга гундуу. үс, хумс, арьс чийгшлээ алдаж асар гандуу. ийм учраас (энэ үгийг нэг хүн эв энгийн үед чалчижаахдаа дувтан хэрэглэнэ, тэр тоолонгоор нь би хэзээний анзаарч мушийж суугаад яриагаа мартдаг.. гажиг) ..
ийм учраас эх орныхоо хээр талд бэлчих эр халзан хонины хөвөн мэт ноосоор хийсэн хөөрхөн гэж тасарцан таавчигтай болсон. сая түүнийгээ ухаж ухаж гаргаж ирээд машшш урт чацтай хавирга мэт майжгий хөлөндөө жийв. тэр минь, түрийг нь тас огтолсон эсгий гутал мэт билээ л. түүнийг минь гүйцэх хөгжилтэй тод өнгийн эсгий таавчиг үгүй билээ л. алий алий үнсчий чамайгаа... шагай давсан, цэв цэнкэр. ингээд цасан охины дүрд хувилж, микарпоон барьсан нүүпагадигийн воолок мэт өөрийгөө сэтгэн бягтруулынхаа сэнжийг барьж дараах аянд flicka flicka flicka...cata cata cata...товшин бүжиглэнгээ бүдүүхэн ороосон ээрүүл мэт эргэлдсээр flicka flicka flicka...cata cata cata...биеийн халууныг нэмэгдүүлж, бодисийн солилцоог сайжруулж, захын эрхтний цусан хангамжийг тогтворжуулж, заавал байх түвшинд нь биеийн халууныг авчрав аа.
үр дүнд нь бөндгөр толгойн эргэлт, бүлцэн нүдний харанхуйлалт, борцлогдсон зүрхний дэлсэлт, хавтгай цээжний түхэлзэлт, хатсан амны ангалзалт, халтар хүзүүний хөлрөлт, майжгий хөлний гуйвалт, муруй гарны салгалалт, ширэлдсэн үсний сэгсийлт, шинэхэн шарваарны ханзралт. хаха. гэхдээ дэндүү ванлий. хажуулдтал хөл халуу дүүгсээр байх биз.

за ингээд замбуулингийн зах буланд суугаа захын эрхтний дааралттай, жиндэлттэй, хөрөлттэй, бээрэлттэй, осголттой, хайралттай, хөлдөлттэй өвчин-мэргэжил нэгтнүүддээ эх орны үйлдвэрийн эсгий таавчгийг ээж аав, эгч ахдаа захиж эн даруй авчруулан, каптлийст барууны сайн дурын уран сайханчдын бүсийн фистваалийн тусгай шагналт, улам солиорлын дууны tne cure хамтлагын дуулсан уянгын дууны аянд товшин эргэлдэж дулаацах өлзийтэй сайхан ерөөлийг өөд өөд нь өргөн дэвшүүльеэ. тухлан зогсож таалан үсэргэнэ үү. гоцлон дуулаач Гомдмоор улаан уруулт.

жич: эхэлж оронд чинь ороод илчээрээ хөнжлийг чинь дулаацуулах бүстэй хүнтэй хамт буй бүсгүйчүүдэд энэ ерөөл огт падлийгүй бөгөөд тэд дулаан өвөрт гуйлгуулж гувшуулж байж сүүлдэж оронгуутаа бүстэйгийн бүлээн гуяных нь завсар эхлээд өлмийгөө шургуулж, эцэст нь лавшруулан өсгий хүртлээ хавчуулбал зохино. азтай золигнууд, тэгээд унтаж дугжирна уу, улам хөлөө дулаацуулна уу, би мэдкүй!! 

flicka flicka flicka...cata cata cata...